I’s po fuormar verbs ...
• cun agiundscher la desinenza dal verb (impustüt las desinenzas -ar ed -ir) a nomens o adjectivs.
quint – quintar, chatscha – chatschar, spüda – spüdar, scoula – scolar,
lod – lodar, predsch – predschar; sclingia – sclingir, spüzza – spüzzir,
sagl – saglir; glüsch – glüschir; sblach – sblachir
• cun agiundscher prefixs a nomens, adjectivs o verbs, p.ex.:
a-: bratsch – abratschar, sagl – assaglir, terra – atterrar; trar – attrar
s-/sch-/s-ch-: tagl – stagliar, larg – schlargiar, muot – schmuottar;
chod – s-chodar, chargia – s-chargiar; cler – sclerir
in-/im-: tun – intunar, titel – intitular; bel – imbellir, pitschen – impitschnir,
s-chür – ins-chürir; büttar – imbüttar
• cun agiundscher suffixs a nomens o adjectivs, p.ex.:
-agiar: don – donnagiar, festa – festagiar, serp – serpagiar; net/netta – nettagiar, zop/zoppa – zoppagiar
-argnar: (re)spargn - spargnar
-ifichar: persuna – persunifichar; simpel/simpla – simplifichar,
güst/güsta – güstifichar, cler – clerifichar
-isar: memoria – memorisar, alfabet – alfabetisar, automat – automatisar
-ular: vent – sventular, cridar – cridular, singul/singula – singular
-uinar: sang – sanguinar
• cun agiundscher la desinenza -antar a nomens, adjectivs o verbs per fuormer uschenomnats 'verbs factitivs' chi expriman ün 'far far' o ün 'far dvantar' (verer 2.4.6 d).
rabgia – rabgiantar, glüsch – glüschantar
cuntaint – cuntantar, absaint – absantar, grit/gritta – grittantar
taschair – taschantar, zoppar – zoppantar
Remarchas:
Tscherts verbs müdan il vocal dal tschep in confrunt cul nomen, p.ex.
fraud – frodular, svoul – svolar, scoula – scolar, invöl – involar
Ils nomens chi finischan cul sun -gl survegnan illa fuorma verbala sün -ar amo ün
-i, p.ex. sbagl – sbagliar, imbruogl – imbruogliar, masdügl – masdügliar
