Il futur cumpost
Il futur cumpost descriva acziuns o fats chi saran fingià passats e terminats i'l avegnir. El vain fuormà cullas fuormas conjugadas dals verbs esser ed avair al futur ed il particip passà dal verb cumplain.
| eu sarà parti/partida | eu varà dit quai |
| tü sarast parti/partida | tü varast dit quai |
| el sarà parti/ella sarà partida | el/ella varà dit quai |
| nus saran partits/partidas | nus varan dit quai |
| vus sarat partits/partidas | vus varat dit quai |
| els saran partits/ellas saran partidas | els/ellas varan dit quai |
Remarcha:
Il futur cumpost nu vain dovrà fich suvent. El serva impustüt ad exprimer supposiziuns i'l avegnir o i'l passà (alch chi pudess capitar plü tard o esser capità avant ün temp).
Daman da quistas uras varan nus fat nos examen.
I saran stats in sortida her saira.