L’imperfet
L'imperfet descriva acziuns o fats i'l passà chi nun han ne cumanzamaint ne fin per quel o quella chi discuorra o scriva.
Il rai e la raïna staivan in ün bel chastè.
L'imperfet es il temp da la descripziun.
I d'eira üna bella saira da stà. Il sulai spleduriva.
L'imperfet descriva suvent adüs e repetiziuns.
Davo giantar faiva el mincha di ün cupid.
La dumengia giaivan nus adüna culs skis.
L'imperfet vain fuormà cul tschep dal verb da la 1. persuna plural e culla desinenza -aiva/-iva.
| -ar: güdar | -air: giodair | -er: vender | -ir: sentir |
| eu güdaiva | eu giodaiva | eu vendaiva | eu sentiva |
| tü güdaivast | tü giodaivast | tü vendaivast | tü sentivast |
| el/ella güdaiva | el/ella giodaiva | el/ella vendaiva | el/ella sentiva |
| nus güdaivan | nus giodaivan | nus vendaivan | nus sentivan |
| vus güdaivat | vus giodaivat | vus vendaivat | vus sentivat |
| els/ellas güdaivan | els/ellas giodaivan | els/ellas vendaivan | els/ellas sentivan |