Il futur simpel
Il futur simpel descriva acziuns o fats chi capitaran pür.
Eu partirà in trais uras.
Nus giaran in vacanzas al mar.
Il futur po eir exprimer supposiziuns.
Isabella maridarà l'on chi vain.
Ella giarà daman in viadi.
Il futur simpel vain fuormà dal tschep da la 1. persuna plural dal preschaint e da las desinenzas -arà, -arast, -arà, -aran, -arat, -aran (1.-3. conjugaziun) ed -irà,
-irast, -irà, -iran, -irat, -iran (4. conjugaziun)
| -ar/-air/-er: güdar, giodair, vender | -ir: partir |
| eu güdarà/giodarà/vendarà | eu partirà |
| tü güdarast/giodarast/vendarast | tü partirast |
| el/ella güdarà/giodarà/vendarà | el/ella partirà |
| nus güdaran/giodaran/vendaran | nus partiran |
| vus güdarat/giodarat/vendarat | vus partirat |
| els/ellas güdaran/giodaran/vendaran | els/ellas partiran |
Duri maridarà l'on chi vain.
Nus partiran a las tschinch.