Ils verbs copula
Ils verbs copula collian il subject cun ün adjectiv e/o ün nomen (cumplemaint predicativ). I's tratta in prüma lingia dal verb esser. L'adjectiv s'accorda cul subject.
Ella es (verb copula) intelligiainta (cumplemaint predicativ).
El es (verb copula) architect (cumplemaint predicativ).
Ma eir oters verbs vegnan dovrats sco verbs copula. Ils plü importants sun:
| gnir | Nossa giatta vain vieplü maigra. / El es gnü ün brav mat. |
| dvantar | Vus dvantais planet cumadaivels. / Quai dvantarà ün problem. |
| star | Tü starast amo stutta. |
| restar | Els sun restats povers. / El restarà magister. |
| parair | Els paran fich cuntaints. / Quists homens paran gigants. |
| as far | El as fa suvent malvis. / Il pulizist as fa ün purtret da l'accidaint. |
| rivar | Ella riva stancla e stracca. |
| entrar | Els aintran rabgiantats. |
| ir | Ellas van cuntaintas a chasa. |
| nascher | Ils usöls naschan pitschens e flaivels. |
| partir | Nus partin allegers e cuntaints. |
| viver | Ella viva suletta. |