Il perfet cul verb 'avair'
Il perfet cun avair nu s'accorda normalmaing culla fuorma feminina ed il plural.
|
-ar: güdar |
-air/-er: giodair/vender |
-ir: sentir |
|
eu n'ha güdà |
eu n'ha giodü/vendü |
eu n'ha senti |
|
tü hast güdà |
tü hast giodü/vendü |
tü hast senti |
|
el/ella ha güdà |
el/ella ha giodü/vendü |
el/ella ha senti |
|
nus vain güdà |
nus vain giodü/vendü |
nus vain senti |
|
vus vais güdà |
vus vais giodü/vendü |
vus vais senti |
|
els/ellas han güdà |
els/ellas han giodü/vendü |
els/ellas han senti |
Attenziun:
Il perfet cun pronoms reflexivs, conjugà cul verb avair, s'accorda però culla fuorma feminina ed il plural.
Ella s'ha sdasdada bod.
Nus ans vain salüdats per via.
Ed eir il perfet cun pronoms objects na accentuats, conjugà cul verb avair, s'accorda culla fuorma feminina e'l plural, scha l'object a l'accusativ va ouravant.
Eu tilla n'ha invidada a tschaina.
Eu tils n'ha inscuntrats al concert.