Il cundiziunal
Cul cundiziunal as poja exprimer acziuns o fats irreals e giavüschs.
El vess per pacas pers il tren.
Ella füss gnida, sch'ella vess gnü liber.
Be cha quel examen füss passà!
Fessast il bain da tour plazza.
Las fuormas dal cundiziunal han in tuot las persunas ün -ss. Las desinenzas chi vegnan agiuntas al tschep dal verb sun -ess- pella 1.-3. conjugaziun e -iss- pella 4. conjugaziun.
|
güdar |
giodair |
vender |
partir |
|
eu güdess |
eu giodess |
eu vendess |
eu partiss |
|
tü güdessast |
tü giodessast |
tü vendessast |
tü partissast |
|
el/ella güdess |
el/ella giodess |
el/ella vendess |
el/ella partiss |
|
nus güdessan |
nus giodessan |
nus vendessan |
nus partissan |
|
vus güdessat |
vus giodessat |
vus vendessat |
vus partissat |
|
els/ellas güdessan |
els/ellas giodessan |
els/ellas vendessan |
els/ellas partissan |