Il perfet

Il perfet descriva acziuns o fats chi sun terminats o accumplits i'l passà.

El ha ruot üna chomma avant ün mais.

Ella es currüda a la staziun.

Remarcha:

• Il perfet vain fuormà culs verbs auxiliars avair o esser e cul particip passà dal verb cumplain.

• La plüpart dals verbs fuorman il perfet cun avair.

• Alchüns verbs fuorman il perfet cun esser. Ils plü importants sun: crescher, cuorrer, esser, fügir, nascher, partir, dvantar, ir, gnir, murir, restar, rivar, star.

Ellas sun stattas in vacanzas.

El es propa creschü quist ultim on.