Il particip passà

Il particip passà vain dovrà insembel culs verbs auxiliars esser ed avair per fuormar ils temps cumposts (perfet, plücoperfet e futur cumpost).

Eu n'ha lavurà.

Ella d'eira fingià partida.

Ils verbs da la 1. conjugaziun (-ar) fuorman il particip passà cun -à/ada, quels da la 2. e 3. conjugaziun (-air, -er) cun -ü/üda ed ils verbs da la 4. conjugaziun (-ir) cun -i/ida.

chavar – chavà

giodair – giodü

vender – vendü

partir – parti

Il particip passà conjugà cun avair resta normalmaing invariabel. Il particip passà conjugà cun esser o gnir vain adüna accordà cul subject.

Ellas han giodü la festa.

Anna es partida a las desch.

Ils stortins vegnan fats cun painch.