mediomatix

Ils nomens, chi vegnan eir numnos ils 'substantivs', daun nom a creatüras ed a chosas concretas ed abstractas.

mamma, chaun, rischmelna, camiun, buttiglia, amur, spiert

Tals nomens tuochan eir ils noms propris (noms da persunas, firmas ed organisaziuns) ed ils noms geografics. Quels vegnan scrits cun ün custab grand.

Claudia, Flurin, Bezzola, Caviezel, Turich, S-chanf, Engiadin'Ota, Via Maistra, Muottas Muragl, Lej da Segl, En, Val Roseg

Ils nomens sun pleds chi haun ün gener grammatical fix. In rumauntsch do que duos geners grammaticals.

masculin: il mür, l'esan, il pled, il crap, il bap, l'üert

feminin: la matta, la paraid, l'amia, la chesa, l'ura, la via

Ils nomens vegnan druvos pelpü al singular ed al plural.

Nomens paun eir gnir furmos scu pleds cumposts, scu pleds chi derivan da verbs e scu pleds cun suffixs.