Nomens furmos cun suffixs
Tschertas desinenzas cha's po agiundscher ad ün pled per creer oters pleds da la listessa famiglia as nomna 'suffixs'.
Que as po distinguer traunter oter ils seguaints suffixs:
• suffixs diminutivs chi faun la chosa pü pitschna: -et/-etta, -in/-ina
il cudaschet, la strietta, il mattin, la chesetta, la cullina, l'utschèin, ün pòin,
Gianin, Annina
• suffixs augmantativs chi faun la chosa pü granda u pü intensiva: -un/-una,
-aglia, -üna, -üra
la stüvuna, l'homun, la fradaglia, la pirantüna, la fradüra
• suffixs pegiorativs chi faun la chosa pü noscha u pü negativa: -atsch/-atscha,
-öz
il ventatsch, la femnatscha, il baderlöz, il scuttöz
• suffixs collectivs chi expriman ün numer na determino: -aglia, -am, -iglia,
-mainta
la magistraglia, il fögliam, il mus-cham, il nüvlam, il palperam, la vermiglia,
la pastriglia, la fierramainta, la narramainta
Eir zieva quists pleds collectivs sto il verb adüna al singular.
La magistraglia fo ün viedi.
Quista vermiglia es s-chiffusa.