Il corp

Erklärung

La magistra organisescha palperi da pakets e rasa oura quel giò per terra. Ün student o üna studenta as metta in rain sül palperi da pakets, tschels van davo cun ün rispli o üna culur a las conturas da seis corp. Il palperi da pakets vain lura pendü sü vi da la tabla. Eir ils pleds da las parts dal corp cha la magistra squitscha oura e laminescha (verer il model da copchar) vegnan pendüts sü vi da la tabla. Il students prouvan da chattar oura insembel che pled chi tocca pro che part dal corp. Els tachan ils pleds al dret lö vi da la figüra skizzada sül palperi da pekets. La magistra po far las seguaintas dumondas:

Varianta:

Schi's tratta d'üna gronda classa, po la magistra eir laschar far l'exercizi in gruppas da trais o da quatter. Las gruppas pon congualar lur resultats cun quels da tschellas gruppas e tils cumplettar.

Sligaziun

Info grafica: Illustration mit Lösungen

Erklärung

Ils students serran ils ögls e la magistra nomna varsaquantas parts dal corp. Ils students toccan quellas parts vi da l'agen corp, uschè cha la magistra vezza subit, sch'els han inclet che cha'ls pleds significhan. Davo ün mumaint pon ils students nomnar ün davo tschel üna part dal corp.

Per finir po la magistra far pitschnas ingiavineras invezza da be nomnar ils pleds. Ella po far quai cun dir:

Erklärung

Ils students scrivan ün cuort text cun almain 6 differentas parts dal corp. Lura laschan els leger e correger il text da lur conscolars.

La magistra renda attent als students chi'd exista in vallader eir la fuorma dal plural collectiv. Quella vain dovrada pel solit per nomers na determinats, ma eir per differentas parts dal corp. Ils plurals sun fingià gnüts trattats i'l chapitel 5.

Varianta:

Ils students integreschan aposta ün fal in lur text e til laschan tscherchar als constudents.

Sligaziun

CO hast tü durmi? Eu n'ha durmi SCO ün tass.

CO vainst tü a nos inscunter, cul velo o a pè? Eu nu sa amo CO, ma eu guard dad esser là a temp.

CO at saintast tü? Na bain. Meis patrun m'ha trattà SCO ün blambech.

SCO chi vezza ella oura? Ella vezza oura SCO la chantadura taliana chi ha dat d'incuort ün concert in Svizra.

Seis auto vezza oura SCO sch'inchün til vess splattütschà. CO mâ ha quai be pudü capitar?

CO hast tü nom? Eu n'ha nom Flurin, SCO meis bazegner.

Erklärung

Ils students legian insembel il memo grammatical. Els discutan, scha quella differenza as muossa eir in tschellas linguas discurridas in classa. 

Erklärung

Ils students tschernan ad üna persuna prominenta cha – scha pussibel – tuot ils preschaints cugnuoschen. Els prouvan da descriver detagliadamaing a quella persuna cun agüd dal s-chazi da pleds ch'els han imprais. La magistra po eir dar quista lezcha sco lezcha da chasa. Ils students descrivan a la persuna sün ün fögl e piglian cun els a scoula eir üna fotografia da la persuna descritta. Els pon lura preschantar a la persuna prominenta (sainza dir il nom) in classa e laschar ingiavinar als constudents da chi chi's tratta. Per finir l'exercizi as poja pender sü las fotografias da las persunas prominentas vi da la tabla e far differentas activitats. Quellas pon gnir fattas cun agüd da las seguaintas dumondas: