A1.24 Dumonda

Legia la poesia dad Andri Peer. Da che tratta la poesia? Scriva sün ün fögl separà ün’aigna strofa tenor il listess muoster. Forsa tilla poust tü dovrar ünsacura sco part da tia prosma charta d’amur. 

Dumonda 

Teis chavels 

sbaluonzchan, 

früjas blondas, 

perfin scha tü nu squassast 

il cheu. 

Teis sains laschan 

tanteraint 

lö avuonda 

per l'intschert chi's voul 

plachar. 

Teis ögls  

sun lais blaus 

ingio ch'eu imprend 

a nodar. 

Tia bratscha – razs 

da sulai 

chi'm circuondan. 

Chi sa, 

scha nos figl s'aftüra 

fingià 

tanter uzuns e gialüdas?