Da casa

A

Sligaziun

Caplutta S. Benedetg a Sumvitg: caplutta

Claustra benedictina a Mustér: claustra cun scola gimnasiala

Casa Cumin a Glion: administraziun e canzlia dalla vischnaunca da Glion

Stiva da morts a Vrin: carner

Cularta a Laax: atelier e galaria d'art

Casa melna a Flem: liug da cultura per exposiziuns d'art

Museum Cuort Ligia Grischa a Trun: museum

Casa Fausta Capaul a Breil: ustria cun tradiziun

Munt s. Gieri a Vuorz: casti historic

Ogna a Trun: sculptura digl artist Matias Spescha

Erklärung

Ils students emprovan d'attribuir ils baghetgs als nums ed als loghens. Ils resultats vegnan discutai el plenum e las damondas rispundidas.

 

Ideas supplementaras:

-

far cartas cun mintga baghetg e schar posiziunar els en ina retscha tenor vegliadetgna, interess, prezi, colurs, geografia, eav.
-

schar marcar ils baghetgs sin la carta dalla Surselva
-

schar far mintga student in referat cuort davart in dils baghetgs
-

rimnar el plenum ulteriurs baghetgs prominents en Surselva, el Grischun ni en Svizra

B

Sligaziun

Sligiaziun pusseivla:

nr. 2: sgrataneblas (marcau): survesta, alzada, modern

nr. 4: casti (vitg): uaul, maiestus, grond

nr. 1: puresser (vitg): sempel, animals, iert

nr. 5: barca-casa (ni vitg ni marcau): aua, undas, aria frestga

nr. 3: casa da pliras habitaziuns (vitg e marcau): plazza da giug, famiglias, truscha

Erklärung

Avon che tedlar ils audios emprovan ils students d'eruir el plenum la muntada dils tschun baghetgs ella tabella. Suenter teidlan ils students ils audios ed attribueschan ils audios als baghetgs ella tabella. Tier mintgin marcheschan els, sch'ei setracta d'in baghetg che cumpara plitost en in vitg ni el marcau e nodan treis plaids (ch'els san era prender ord ils audios) che van aprau culla moda da viver en quei baghetg.

 

El plenum vegnan ils resultats discutai. Las suandontas damondas accumpognan l'evaluaziun:

• Tgei sorts da baghetgs dat ei en Surselva? Tgei baghetgs vesan ins pli pauc cheu tier nus?
• Tgi ha gia viviu inaga sin in puresser, en in casti, en in sgrataneblas, en ina barca-casa?
• Tgei baghetg va aprau il meglier cun vossa situaziun da viver?
• Tgei baghetgs mauncan aunc ella tabella?
• Co e nua vivis vus?

C

Sligaziun

Info grafica: integrar sligiaziun salata da bustabs

Erklärung

Ils students enqueran ella salata da bustabs las endisch stanzas. Els scrivan ellas ella tabella, nodan, sche lur agen dacasa cumpeglia era quella sort da stanza ed indicheschan il diember. El plenum vegn ponderau tgei stanza(s) che mauncan aunc.

D

Erklärung

Ils students lavuran en dus. Mintgamai cura ch'in ha lignau correctamein, descriva l'auter in'autra stanza dalla casa. Plaids novs vegnan rimnai e screts vid la tabla.

 

Per arrundar igl exercezi tschenta la scolasta damondas e quels che san rispunder cun gie, stattan mintgamai sin peis. Era ils students e las studentas san formular damondas e tschentar quellas el plenum.

 

Damondas pusseivlas:

• Tgi stat en ina casa cun dapli che tschun stanzas?
• Tgi ha in dacasa cun dus bogns?
• Tgi stat sin in'alzada?
• Tgi dorma sut il tetg?
• Tgi posseda ina casa cun balcun?
• Tgi astga far diever dil curtgin entuorn casa?
• Tgi viva persuls/persula?
• Tgi stat a tscheins en siu dacasa?
• Tgi viva gia dapli che diesch onns en quei dacasa?
• Tgi stat en ina casa da lenn?

Remarca sligiaziun cruschera: 

Ina tgaminada ei ina pintga stanza sper la cuschina, nua che las reservas da maglia vegnan dustadas.

Digital Aufträge

Ina stanza tut speciala

E

Erklärung

Ils students fan las cruschs el dretg liug. El plenum tschenta la scolasta silsuenter las damondas tier las singulas reglas (Tier tgi astgan ins magliar en stiva?) e quels che san rispunder cun gie tegnan si det.

 

In suenter l'auter presenta per finir sia regla individuala el plenum.

F

Erklärung

Ils students scrivan in inserat per schar vi lur casa. Tals vegnan currigi dalla scolasta e silsuenter exponi, aschia che tuts san far in tur tras la stanza da scola. Mintgin seposiziunescha silsuenter avon in inserat e meina in discuors da vendita cul possessur ni culla possessura dalla habitaziun/casa.