2.18 Tschercha l'infinitiv dal verb conjugà.
L'infinitiv es la fuorma la plü neutrala dal verb. Ils vocabularis indichan ils verbs in quella fuorma. L'infinitiv ha adüna ün tschep ed üna desinenza.
Taidla e legia il verset. Scriva adüna l'infinitiv daspera.
Eu vegn a spass tras la cuntrada
cun meis chapè chi fa parada
qua vain ün vent impertinent
pigl'il chapè e's fa davent
Che dess eu far, saperlottina,
star inavant in Engiadina
o tour ed ir dalöntsch davent
inglur ingio chi nu dà vent?