2.18 Tschercha l'infinitiv dal verb conjugo.

L'infinitiv es la fuorma la pü neutrela dal verb. Ils vocabularis indichan ils verbs in quella fuorma. L'infinitiv ho adüna ün tschep ed üna desinenza.

Taidla e legia il verset. Scriva adüna l'infinitiv daspera.

Flurin voust ir a sella?

Schi, schi, schi.

Tschaintast sülla güvella?

Schi, schi, schi.

Hest do il flöder al chavagl?

Schi, schi, schi.

Hest do eir ova al chavagl?

Na, na, na.

Els chavalgeschan scu il vent.

Flurin nu sto uoss'pü attent.

Cò vo il poni als galops

e bütt'a Flurin aint ils fops.