Lein far fiasta!

A

Erklärung

La scolasta reparta las sdremas da pupi (M2.1Aa) en stanza da scola.

 

Silsuenter explichescha ella la suandonta activitad:

La scolasta prelegia las informaziuns sillas sdremas da pupi (M2.1Ab). Ils students ston mintgamai ir alla tscherca dalla fiasta. Sche in student crei dad haver anflau la sdrema da pupi corrispundenta, cloma el 'stop' e prelegia il num dalla fiasta. Ensemen vegn ei discutau, schebein la sligiaziun ei correcta. Ei quei il cass, astga il student salvar il cedel culla fiasta. Sche buc, va la tscherca vinavon entochen ch'enzatgi ha anflau la dretga sligiaziun. Silsuenter va ei vinavon culla proxima descripziun.

 

Varianta:

Las fiastas san era vegnir screttas sin cedels ovals (ovs), aschia ch'il giug ei sc'ina tscherca dad ovs da Pastgas … – metter ils ovs en in igniv …?

Kopiervorlagen

Fiastas

B

Sligaziun

c)

Daniev, tscheiver, Pastgas, di dalla mumma, 1. d'uost, catscha, Sontgaclau, Nadal

Erklärung

La scolasta ferma ina corda da circa 2 meters en stanza da scola. Las sdremas da pupi cullas descripziuns dallas fiastas schain sin ina meisa en stanza da scola. Ils cedels cullas fiastas vegnan reparti ulivamein sils students. Mintga student enquera la descripziun che va a prau cun sia fiasta e ferma ellas cun in fermagl ina vid l'autra. Silsuenter penda mintgin sias sdremas cun in murset vid la corda aschia che la successiun dils eveniments/fiastas/meins enteifer igl onn constat. Cu tuts han posiziunau lur cedels, san las suandontas damondas vegnir discutadas en classa. Ils students nodan las fiastas ella dretga successiun silla corda.

• Constat la successiun dallas fiastas?
• Tgei sdremas da pupi cuntegnan fiastas religiusas/eveniments specials/meins?
• Tgei ei tia fiasta preferida? Daco?
• Cu festivein nus Nadal, Pastgas, Daniev ...?
• Cu eis ei tscheiver/catscha ...?
• Cu has ti natalezi?

Idea:

Giugs da pantomima

• In student presenta ina fiasta/in meins/in eveniment a moda pantomimica. La classa legna da tgei fiasta/eveniment/meins ch'ei setracta.
• A mintga student vegn taccau in cedel che cuntegn ina fiasta sil frunt. Tut tschels students presentan il medem mument la fiasta/igl eveniment/il meins dad in student a moda pantomimica, tochen ch'il student anfla ora la sligiaziun.

C

Sligaziun

1. Nadal festivein nus il december.
2. La catscha entscheiva il settember.
3. Tscheiver eis ei il fevrer.
4. Daniev festivein nus il schaner.
5. Numnasontga festivein nus il november.
6. Il di dalla mumma festivein nus il matg.
7. Il di dalla fiasta naziunala svizra ei igl uost.
8. Pastgas ei savens igl avrel.

 

Sligiaziun: Cu has ti natalezi?

Erklärung

Ils students cumpleteschan las construcziuns e nodan mintgamai il bustab da sligiaziun el dretg liug. Els dattan silsuenter risposta alla damonda da sligiaziun 'Cu has ti natalezi?' Damai ch'els han buc aunc empriu da scriver datas per romontsch, san els mo nudar il meins da lur natalezi.

 

Duront quell'activitad reparta la scolasta a tut ils students in cedel da colur, sin il qual els san nudar lur num. Cu tut ils students han sligiau igl exercezi, vegn la damonda da sligiaziun prelegida el plenum. Mintga student dat risposta alla damonda e ferma siu cedel el dretg liug vid la corda en stanza da scola.

 

En connex cun quell'activitad san ils suandonts temas vegnir tematisai:

• formulaziun e scripziun da datas
• differenza digl artechel definit (il/igl)

Digital Aufträge

Eveniments e fiastas

D

Erklärung

A mintga student vegn taccau in cedel cun ina fiasta/in eveniment/in meins sil frunt. El sto uss eruir cun damondas che san vegnir rispundidas mo cun 'gie' ni cun 'na' da tgei fiasta/eveniment/meins ch'ei setracta. Ils students san far diever dallas formulaziuns che la scolasta ha gia nudau vid la tabla.

 

Formulaziuns che san vegnir screttas vid la tabla:

•

Ei quei ina fiasta?
•

Ei quei in meins?
•

Ei quei in eveniment special?
•

Ei quella fiasta il settember/october ...?

E

Erklärung

Per far l'activitad Datas dil cor fuorma la scolasta pèrs e reparta a mintga student treis cedels en fuorma da cor. Sin quels san ils students scriver mintgamai ina data che schai a cor ad els. Il partenari sto silsuenter lignar la muntada dalla data cun tschentar damondas che san vegnir rispundidas mo cun 'gie' ni 'na'. Ils students san tschentar las damondas cun agid dallas formulaziuns che la scolasta ha nudau vid la tabla. L'activitad ei alla fin cu in student ha lignau tut las muntadas.

 

Formulaziuns che san vegnir screttas vid la tabla:

• Ei quei il natalezi da …?
• Ei quei il giubileum da …?
• Ei quei il di che …?
• Ei quei in di legreivel/trest?

G

Erklärung

Las suandontas damondas gidan a far la punt tiel proxim tema:

•

Tgei ei in calender digl onn?

Risposta pusseivla: Quei ei ina survesta da tut ils meins, las jamnas ed ils dis digl onn
•

In onn sa era vegnir partius en stagiuns. Tgei ei ina stagiun?

Risposta pusseivla: ina da quater parts digl onn
•

Tgei stagiuns anfleis vus ellas damondas da quei pensum?

Risposta: stad (damonda 3), unviern (damonda 4), atun (damonda 7), primavera (damonda 11)

Zusatzaufgaben

G.1 - Welches Fest liegt dir am Herzen?
G.2 - Ereignisse
G.2 - Ereignisse - Lösung