La scripziun da la data

La data vain indichada cul artichel masculin al plural e cun nomers cardinals, perquai sainza punct. Ün punct davo il nomer cardinal vain fat be pro'l prüm di dal mais.

Scuol, ils/als 4 avrigl 2017

Hoz es mardi, ils 5 avrigl.

Müstair, ils 1. october 2017

Schi's scriva la data be cun nomers, as faja strichins e na puncts.

Ardez, ils 3-1-2008

Ramosch, ils 30-5-2017

Schi's po respuonder a la dumonda «cura?», as douvra als illa data.

Ella es tuornada da las vacanzas als 3 mai.

Als 7 settember part eu per la Cuba.