Ils punctins

Punctins as douvra ...

• per indichar ün impissamaint restà incumplet.

«Fa per cumond, uschigliö ...»

«Scha tü nu vainst uossa, lura ...»

• per laschar avert ün impissamaint e crear tensiun.

«El crouda, sco tschüf d'ün flüm chi va svelt, el sfuondra in sömmis e ravaschias ...» (Oscar Peer, Viadi sur cunfin, Uniun dals Grischs, 1981, p. 54.) 

• per indichar chi s'ha laschà davent alch (quai vala impustüt per citats).

«... mo inclet nu vaiva'l güsta bler, quella jada.» (cità tenor Cla Biert, La Müdada, ediziun da l'autur, 1962, p. 32, in: Riatsch, C. & Walther, L. (1993). Literatur und Kleinsprache. Chur: Società Retorumantscha.)