Definiziun
Il ladin resguarda tuot ils 26 segns/custabs da l'alfabet.
a, b, c, d, e, f, g, h, i, j, k, l, m, n, o, p, q, r, s, t, u, v, w, x, y, z
L'alfabet
Ils vocals
Ils consonants
Il ladin ha 21 consonants.
b, c, d, f, g, h, j, k, l, m, n, p, q, r, s, t, v, w, x, y, z
Remarcha:
Il 'j' (i lung) vain considerà sco mez vocal. El vain trattà pelplü sco consonant.
Ils segns e suns specials
In vallader daja divers segns e suns specials. Quels vegnan scrits cun duos, trais o perfin quatter custabs.
ch (chasa), dsch (dschember), sch (schner), s-ch (s-chala), tsch (tschiervi), gl (glüna), gn (muntogna), gi (gita), ge (gener), gö (gövgia), gü (gün), ghe (ghetto), ghi (ghigna), gui (guitarra), ci (citrun), ce (producent), che (chemia), qu (quatter)
Remarcha:
Ils suns ch e tsch vegnan suvent sbarattats. Il ch es plü dür e vain pronunzchà bod sco il c talian in cento e cinquanta. Il tsch invezza es plü lom e vain pronunzchà sumgliaint al tsch tudais-ch.
I's scriva p.ex.: las chotschas, il tschütschapuolvra, la tschücha, la chasa, il chatschader, tschinchtschient, chi chi tschercha chatta
Il sun ch in architect(a), architectura vain pronunzchà sco in tudais-ch.