Ils nomers ordinals

Ils nomers ordinals indichan ün rang o la successiun exacta.

Ils prüms quatter nomers ordinals han üna fuorma speciala:

1. prüm, prüma

2. seguond, seguonda

3. terz, terza

4. quart, quarta

Ils ulteriurs nomers ordinals vegnan fuormats culs nomers cardinals e la desinenza -avel/-avla, p.ex.:

5. tschinchavel, tschinchavla

6. sesavel, sesavla

7. settavel, settavla

8. ottavel, ottavla

9. novavel, novavla

20. vainchavel, vainchavla

39. trentanovavel, trentanovavla

100. tschientavel, tschientavla

200. duatschientavel, duatschientavla

1000. milliavel, milliavla

2000. duamilliavel, duamilliavla

Ils nomers ordinals al plural survegnan ün -s. 

Ellas sun gnüdas tschinchavlas.