Fuormas femininas specialas

Fuormas femininas specialas han ...

• adjectivs chi finischan cun ün -g o ün -gl.

larg – largia

vegl – veglia

 

• tscherts adjectivs da plüssas silbas chi finischan cun -el, -en, -er, -avel, -guel ed -ischem.

debel – debla

cotschen – cotschna

ester – estra

sesavel – sesavla

stanguel – stangla

grondischem – grondischma

 

ma:

fidel – fidela

indigen – indigena

inter – intera

 

• adjectivs cun ün consonant dubel illa fuorma masculina.

svizzer – svizra

pluffer – plufra

prossem – prosma

 

• adjectivs d'üna silba chi finischan cun ün consonant simpel illa fuorma masculina.

bel – bella

lom – lomma

dret – dretta

mez – mezza

nar – narra

stret – stretta

 

Cas specials:

superbi – superbgia

agen – aigna

tevi – tevgia

stuf – stuffa/stufcha

 

• adjectivs feminins da culurs cumbinadas. La prüma part da l'adjectiv feminin resta invariabla.

ün tschop verd s-chür – üna blusa verd s-chüra

ün pullover blau cler – üna chamischa blau clera 

 

• adjectivs feminins da fuormas cumpostas scrittas cun ün strich d'uniun. La prüma part da l'adjectiv feminin resta invariabla.

üna dumonda politic-linguistica

ün'analisa socio-economica

 

Cas special:

ün mantel cotschen vin – üna stoffa cotschen vin

Tuottas duos parts da l'adjectiv restan invariablas.