Igl alfabet (igls segns a scret)

Igl sutsilvan â 26 bustabs.

a, b, c, d, e, f, g, h, i, j, k, l, m, n, o, p, q, r, s, t, u, v, w, x, y, z

Igl sutsilvan â tschentg vocals.

a, e, i, o, u

Dus vocals l'egn suainter l'oter vignan numnos diftongs.

ai (cuntaint), ea (lead, faneastra), ei (vei), ie (iester), ua (ual), a.a.a.

Tres vocals l'egn suainter l'oter vignan numnos triftongs.

eia (ascheia), ieu (vagnieu, lieunga), a.a.a.

Igl sutsilvan â 21 consonànts.

b, c, d, f, g, h, j, k, l, m, n, p, q, r, s, t, v, w, x, y, z

Remartga:

Igl 'j' (jot) vean cunsidero sco miez vocal a miez consonànt. Par ordinari vean el quinto tier igls consonànts.

Agl sutsilvan dat igl anzaquànts sùns spezials. Els vignan screts cun plirs bustabs (dus, tres near parfegn quater).

tg (tgàn), tsch (tschuf), sch (schaner), gl (begl), gli (glieud), gn (vagnir), gi (gievgia), ge (gest), ghi (ghitara), ghe (ghela), qu (quater)