Ils punctins

Ils punctins drovan ins ...

• per indicar ch'il patratg resti incumplets.

«Fai per camond, ni che ti ...»

«Sche ti vegns buc ussa, lu ...»

• per schar aviert in patratg e crear tensiun.

«Delia ha detg ch'ei seigi stau in accident cun auto. Sia mumma ... Jeu sai buc. Sia mumma fuvi sut medicaments.» (Silvio Camenisch, Gregori Greg, Ligia Romontscha e Romania, Cuera 1994, p. 69)

• per indicar ch'ins hagi schau naven enzatgei (quei vala cunzun per citats).

«... meglier ina mala manzegna ch'ina ortga verdad.» (Gion Deplazas, La Bargia dil tschéss, 2. ediziun, Mustér 1976, p. 64)