Il ligiom (il streh d'uniun)

Il ligiom (ni streh d'uniun) '-' drovan ins ...

• en plaids cumponi dil tip nomen + nomen ch'expriman ina part digl entir.

la clav-casa, il tetg-casa, la porta-clavau

Denton: la preit crap, la teila falien

• en plaids cumponi dil tip adjectiv + adjectiv.

suord-met, grisch-brin, l'uiara tudestg-franzosa

• per indicar 'tochen' denter dus diembers.

Alfons Tuor ha viviu da 1871-1904.

Remarcas:

Il ligiom fa era part dalla cumbinaziun s-ch (schk).

bas-chettur, nus ris-chein

Il ligiom vegn era duvraus, sch'il datum vegn indicaus mo cun cefras.

Siat, 6-7-1999

Il ligiom vegn plinavon duvraus per separar plaids.

re-pe-ter, fa-mi-glia, mum-ma