Definiziun
Il sursilvan ha 26 segns/bustabs.
a, b, c, d, e, f, g, h, i, j, k, l, m, n, o, p, q, r, s, t, u, v, w, x, y, z
Igl alfabet
Ils vocals
Ils consonants
Il sursilvan ha 21 consonants.
b, c, d, f, g, h, j, k, l, m, n, p, q, r, s, t, v, w, x, y, z
Remarca:
Il 'j' (jota) vegn consideraus sco miez vocal e miez consonant. Per ordinari vegn el quintaus tier ils consonants.
Ils segns e suns specials
El sursilvan dat ei entgins segns e suns specials. Els vegnan screts cun plirs bustabs (dus, treis ni schizun quater).
tg (tgaper), tsch (tschintschar), sch (schaner), gl (glina), gn (vegn), gi (gievgia), ge (gentar), ghi (ghitara), ghe (ughegiar), ci (citrona), ce (producent), qu (quater),
chi (chignar), che (chemia)
Remarca:
Ils suns tg e tsch vegnan savens scumbigliai. Il tg ei suords e sia pronunzia ei ferma ed anetga. La pronunzia dil tsch perencunter ei loma e migeivla.