Ils verbs copula
Suenter ils verbs copula stat in adjectiv ni in nomen (cumplement predicativ). Ei setracta en emprema lingia dil verb esser. Igl adjectiv s'accorda cul subject.
Simona ei (verb copula) ventireivla (cumplement predicativ).
Sandro ei (verb copula) architect (cumplement predicativ).
Ils pli impurtonts verbs che vegnan duvrai sco verbs copula ein:
| esser |
Clau ei luvrus. Sina ei pura. |
| vegnir | Nies gat vegn pli e pli maghers. |
| parer |
Ils turists paran (d'esser) satisfatgs. Ils umens paran gigants. |
| daventar |
La situaziun daventa nunpusseivla. La situaziun daventa in problem. |
| sefar | Ella sefa adina puspei malvesida. |
| star | Il miedi stat ruasseivels era en situaziuns precaras. |