Il gerundi

Il gerundi sa vegnir duvraus per exprimer che duas caussas schabegian il medem mument. Il gerundi finescha adina cun in -d.

Els vegnan (a) cantond da via giu.

Sbagliond emprendan ins.

Las finiziuns dil gerundi ein las suandontas:

gidar – gidond

temer – temend

vender – vendend

sentir – sentend

Adatg:

Ils gerundis culla finiziun -ond vegnan meinsvart scumbigliai culs adjectivs che fineschan cun -ont.

gerundi	adjectiv
El ei turnaus tremblond dil freid.	El ha scret la carta cun maun tremblont.
El ha sunau e cantau, fascinond il publicum.	Ella ei ina dunna fascinonta.