Ils pronoms persunals subjects

Ils pronoms persunals subjects indicheschan la persuna ni la caussa che fa enzatgei.

jeu	Jeu scrivel in sms.
ti	Ti lavuras fetg spert.
el	El mira in film.
ella	Ella conta bein.
ei/igl	Ei neiva. Igl ei freid.
nus	Nus mein en vacanzas.
vus	Vus luvreis memia plaun.
els	Els maglian bugen.
ellas	Ellas organiseschan ina fiasta.

Remarcas:

• Ei dat ina fuorma impersunala dils pronoms persunals: ei, igl (avon vocal).

Ei neiva.

• Il pronom igl vegn duvraus sulettamein avon la tiarza persuna dil present indicativ dil verb esser, quei per evitar la dublaziun dil plaid ei.

Igl ei bi.

Igl ei schabegiau in accident.

• Per exprimer la fuorma da curtesia drova il sursilvan la secunda persuna dil plural. En quei connex vegn il pronom screts grond.

Co ei Vies num?

Jeu havess plascher, sche Vus fagesses part da quell'occurrenza.