mediomatix

Ils nomens (che vegnan era numnai ils substantivs) dattan num a creatiras ed a caussas concretas ed abstractas.

mumma, tgaun, riebla, camiun, butteglia, carezia, spért

Tier ils nomens s'audan era ils nums propris ed ils nums geografics. Quels vegnan screts grond.

Claudia, Flurin, Battesta, Maissen, Cathomas, Turitg, Rueun, Cadi, Via Pustget, Crap da Flem, Lag da Laus, Rein, Val Sumvitg

Ils nomens ein plaids che han in genus grammatical fix. El sursilvan dat ei dus genus grammaticals.

masculin: il mir, igl erizun, il plaid, il crap, il bab, igl iert

feminin: la matta, la preit, l'amitga, la casa, l'ura, la via

Ils nomens vegnan per ordinari duvrai el singular ed el plural.

Ei dat differentas modas da formar nomens: cun cumposiziuns e suffixs.