La posiziun digl adjectiv attributiv

Igl adjectiv attributiv sa star avon ni suenter il nomen. 

Entgins adjectivs (surtut cuorts) ch'expriman in giudicat ni in meini stattan per gronda part avon il nomen.

ina biala matta, in bien buob, in clar mussament, in tup sentiment, ina gronda caussa 

Ils suandonts adjectivs vegnan adina plazzai suenter il nomen: 

• colurs

ina rassa cotschna, egls verds, il parisol violet 

• fuormas

la meisa ovala, il lenn quader, ina finiastra triangulara 

• gusts

auas dultschas, jarva ascha, in aperitiv amar

• adjectivs che indicheschan la naziunalitad

poets romontschs, il lungatg franzos, la scartira araba

• adjectivs pli liungs

egls tarlischonts, scolars diligents, ina sligiaziun raschuneivla

• particips culla funcziun d'adjectivs

truffels barsai, las flurs protegidas