Il predicat

La structura interna d'ina proposiziun dependa dallas fuormas dil verb ch'ins numna era il predicat (las parts verbalas). Il predicat cumpeglia la fuorma finita e las fuormas infinitas. Il predicat stat el center dalla construcziun. El ha ina posiziun fixa. Tut las ulteriuras parts dalla proposiziun (sco p.ex. il subject) dependan dil predicat. Ellas saultan per aschidadir entuorn il predicat. Las parts ellas scaffettas che dattan risposta a differentas damondas accumpognan il predicat. Ellas san vegnir spustadas. Il test da spustada gida da separar la preposiziun en differentas parts.