Igl stretg da liaziun

Igl stretg da liaziun (u: igl stretg d'uniun) '-' ins dovra ...

• ainten pleds cumponias digl tip nomen + nomen (varda 2.1.4.a) tgi expriman en'appartignientscha, ena part digl antier. 

la clav-tgesa, la palma-mang

Dantant: la nuschpegna, igl palfier

• ainten pleds cumponias digl tip adjectiv + adjectiv, sch'igls pleds furman en'unitad u per evitar pleds lungs.

la ghera tudestg-franzosa, socio-economic, politic-linguistic

Dantant: greischstgeir, bloverd, semiuffizial, sociolinguistic

• per colliier noms.

Gion-Peder, Tschiertschen-Praden

• per inditgier anfignen u anfignen igl tranter dus cefras u dus datas.

Nous ischan 5-6 persungas. (5 anfignen 6)

P. Alexander Lozza, 1880-1953. (digl 1880 anfignen igl 1953)

Remartga:

Igl stretg da liaziun vign er duvro, schi la data vign inditgeida angal cun cefras.

Brinzauls, 6-7-1999