Igls verbs copula

Igls verbs copula collieschan igl subject cun en adjectiv e/u en nomen (cumplemaint predicativ). I sa tracta an amprema lengia digl verb esser. Igl adjectiv s'accorda cugl subject. 

Simona è (verb copula) ventirevla (cumplemaint predicativ). 

Sandro è (verb copula) architect (cumplemaint predicativ).

Igls verbs igls pi impurtants tgi vignan duvros scu verb copula èn: 

• esser (Niclo è luvrous. Sina è poura.)

• neir (Igl noss giat vign pi e pi maier.)

• pareir (Igls turists paran cuntaints. Igls omens paran gigants.)

• davantar (La situaziun davainta impussebla.)

• sa far (Ella sa fò adegna puspe malveisa.)

• star (Igl medi stat quiet.)

• restar (Resta sang!)

• sa mussar (Ella sa mossa angraztgevla.)

• veiver (Ella veiva cuntainta.)