Igl perfect
Igl perfect vign furmo cugls verbs auxiliars aveir u esser e cugl particip perfect digl verb cumplagn.
La gronda part digls verbs furman igl perfect cun aveir.
|
verbs cun -ar: gidar |
verbs cun -er: paer |
tot igls oters: santeir |
| ia va gido | ia va paea | ia va santia |
| te ast gido | te ast paea | te ast santia |
| el/ella ò gido | el/ella ò paea | el/ella ò santia |
| nous vagn gido | nous vagn paea | nous vagn santia |
| vous vez gido | vous vez paea | vous vez santia |
| els/ellas on gido | els/ellas on paea | els/ellas on santia |
Remartga:
Igl perfect cun aveir na s'accorda normalmaintg betg cun la furma feminina ed igl plural.
Excepziun:
Igl object direct preceda igl particip perfect, p.ex.: Ia la va anvidada.
En pêr verbs furman igl perfect cun esser. Cun esser vignan conjugos:
• igls verbs esser, star, restar, nescher, mureir
• igls verbs tgi expriman ...
- ... en muvimaint (p.ex. eir, fugeir)
- ... ena transfurmaziun (p.ex. crescher, davantar)
• igls verbs reflexivs (varda 2.4.4.d)
Ellas èn stadas an vacanzas.
El è propi carschia igl onn passo.
Ella è sa regurdada dallas vacanzas.
Furmond igl perfect cugl verb esser ins accorda igl particip an genus e numerus.
| singular: | plural: |
| ia sung ruschno/ruschnada | nous ischan ruschnos/ruschnadas |
| ia sung curria/curreida | nous ischan currias/curreidas |
|
la lavour è gartageda bagn igl project è gartagea bagn |
las lavours èn gartagedas bagn igls projects èn gartageas bagn |
| ia sung ia/eida | nous ischan ias/eidas |
Remartga:
Arisguard igl adiever digl perfect varda 2.4.11.e.