Igl gerundi

Igl gerundi so neir duvro per exprimer tgi dus tgossas capetan igl madem mument. Igl gerundi fetta adegna cun en -d.

Els vignan cantond giu da veia.

Faschond sbagls ins amprenda.

Las finiziuns digl gerundi èn tar prest tot igls verbs -ond. Sulettamaintg igl gerundi da verbs tgi fettan cun -eir [é] e da singuls verbs irregulars so aveir la finiziun

-end.

gidar – gidond

tameir [è] – tamond

vender – vandond

santeir [é] – santend / santond

vuleir [è] – vulend (irregular)

aveir [è] – avend (irregular)

Adatg:

Igls gerundis cun la finiziun -ond vignan magari sbarattos cun tals particips preschaints (duvros scu adjectivs) tgi fettan cun -ont u -ent.