Igl futur II
Igl futur II descreiva fatgs tgi vignan ad esser passos e terminos aint igl avigneir.
Dumang da chellas ouras nign nous ad aveir fitto igl noss examen.
Pigl futur II ins dovra igl verb d'ageid esser u aveir aint igl futur I + igl particip digl verb cumplagn. Igl verb d'ageid ins so duvrar a moda simpla u cumponeida:
• El varo fitto la lavour, anfignen tgi vous turnez. (futur II simpel)
• Ella vign ad aveir fitto la lavour, anfignen tgi Vous turnez. (futur II cumponia)
Exaimpels:
| futur II simpel | futur II cumponia |
| ia saro ia/eida | ia vign ad esser ia/eida |
| te varossas gido | te vignst ad aveir gido |
| el/ella varo tamia | el/ella vign ad aveir tamia |
| nous varon admunia | nous nign ad aveir admunia |
| vous sarossas ias/eidas | vous niz ad esser ias/eidas |
| els/ellas saron partias/parteidas | els/ellas vignan ad esser partias /parteidas |
Remartgas:
• Er igl futur II ins so duvrar per experimer ena supposiziun. (P.ex: Ia pains, tg'els saron ias ossa.)
• Ins so rinforzar l'infurmaziun tgi l'acziun è terminada cugl particip gia: El varo bagn gia fitto la lavour avant tgi eir a tgesa.