Igl futur I
Igl futur I descreiva fatgs tgi vignan pir ad aveir li. An surmiran dattigl dus variantas da furmar igl futur I:
Isabella vign a maridar l'otr'onn. (futur I cumponia)
Isabella maridaro l'otr'onn. (futur I simpel)
Igl futur I cumponia vign furmo cugl preschaint digl verb neir + a(d) + verb aint igl infinitiv.
ia vign ad eir
te vignst a gidar
el/ella vign a tameir
nous nign ad admuneir
vous niz a far
els/ellas vignan a cantar
Igl futur I simpel ins furma cugl tschep dalla 1. persunga plural digl preschaint e cun las finiziuns -aro, -arossas, -aron. Sulettamaintg verbs cugl infinitiv sen -eir [é] ins furma cun -iro, -irossas, -iron:
| 1-3) cantar (futur I simpel) | 4) parteir (futur I simpel) |
| ia cantaro | ia partiro |
| te cantarossas | te partirossas |
| el/ella cantaro | el/ella partiro |
| nous cantaron | nous partiron |
| vous cantarossas | vous partirossas |
| els/ellas cantaron | els/ellas partiron |
Remartgas:
• La furma digl futur serva savens er per exprimer ena supposiziun aint igl passo, igl preschaint ed igl avigneir. P.ex.: Ia pains tg'els magliaron ossa.
• Igl futur I simpel ins preferescha magari per verbs curts, igl futur I cumponia per verbs lungs (p.ex. Ia niro bagnspert anstagl Ia vign bagnspert a neir; ma: Ia vign ad accumpagner igl unfant anstagl Ia accumpagnaro igl unfant).
• Per exprimer en'acziun futura existan anc bleras otras pussebladads an rumantsch: (ulteriouras varda Normas Surmiranas, nr. 189)
- preschaint (Ia fatsch dumang las compras.)
- eir a + infinitiv (Nous giagn a far giantar.)