Igl cundiziunal
Cugl cundiziunal ins so exprimer fatgs irreals e giaveischs.
Ella fiss neida, sch'ella vess gia liber.
El vess prest mantganto igl tren.
Schi chel examen fiss angal gio passo!
Las furmas digl cundiziunal on an tot las persungas en -ss-.
Nous furmagn igl cundiziunal cugl tschep dalla 1. persunga plural digl preschaint. Verbs cun la finiziun -agn survignan la finiziun conjunctiva -ess, chels cun la finiziun -ign la finiziun conjunctiva -iss.
| gidar (-agn) | tameir/vender (-agn) | santeir (-ign) |
| ia gidess | ia tamess/vandess | ia santiss |
| te gidessas | te tamessas/vandessas | te santissas |
| el/ella gidess | el/ella tamess/vandess | el/ella santiss |
| nous gidessan | nous tamessan/vandessan | nous santissan |
| vous gidessas | vous tamessas/vandessas | vous santissas |
| els/ellas gidessan | els/ellas tamessan/vandessan | els/ellas santissan |
Excepziun:
La furma irregulara digl verb esser – ia fiss.