Igls pronoms persunals objects
Igls pronoms persunals objects (accentuos e betg accentuos) inditgeschan la persunga u la tgossa, alla quala l'acziun digl subject sa drezza.
Pronoms objects accentuos
(posiziunos siva igl verb conjugo):
| object direct | object indirect |
| el sainta me | el rasponda a me |
| el sainta tè | el rasponda a tè |
| el sainta el/ella | el rasponda ad el/ella |
| el sainta nous | el rasponda a nous |
| el sainta vous | el rasponda a vous |
| el sainta els/ellas | el rasponda ad els/ellas |
Pronoms objects betg accentuos
(posiziunos davant igl verb conjugo):
| object direct | object indirect |
| el am sainta | el am rasponda |
| el at sainta | el at rasponda |
|
el igl sainta el la sainta |
el igl rasponda el la rasponda |
| el ans sainta | el ans rasponda |
| el az sainta | el az rasponda |
|
el igls sainta el las sainta |
el igls rasponda el las rasponda |
Remartga:
Tigls pronoms objects accentuos (indirects e directs) ò angal l'amprema e la sagonda persunga singular (me, tè) en'atgna furma.
La posiziun digls pronoms persunals
Igl pronom object betg accentuo stat davant igl verb conjugo, igl pronom object accentuo siva igl verb conjugo.
An general ègl d'evitar l'influenza tudestga.
El n'ans ò betg do la clav (betg accentuo). U: El n'ò betg do la clav a nous. (accentuo)
Pero betg: El n'ò a nous betg do la clav.
Excepziuns:
• Lascha'm cumpôss! (imperativ), Ma: Betg am porta chella roba! (imperativ negativ)
• Tar verbs modals cun infinitiv stat igl pronom persunal betg accentuo siva igl verb modal (conjugo). Nous lagn la tarmetter dumang.