La scripziun 'sch', 's' u 's-ch'

sch as scriva davaunt ün vocal ed a la fin dal pled.

scha, schi, schiglius, schoglier, la schurma, la forsch, il pesch, la pêsch      

sch as scriva davaunt l, m, n, gn.

la schleppa, la schlitta, schlupper, schmancher, schmetter, il schner, schnester,

il schnöss, schgnaffer, la schgniffeda

Excepziun:

Scha'l pled (pel solit ün pled ester) vain pronunzcho s e na sch, as scriva natürelmaing be ün s.

slalom, slip, slogan, ir a smedas, snob, snowboard

s (pronunzcho sch) as scriva davaunt ün consonant (cun excepziun da l, m,

n, gn).

il sbagl, la scoula, il sfrach, la spedla, la staila, svuler (ed eir: il ski, la skizza,

il skelet)

s-ch as scriva cur cha's pronunzcha schch.

la s-chela, la s-chella, ella ris-cha, nus pas-chains, S-chanf