La scripziun 'c' u 'z'

c as scriva pel solit davaunt e/i + consonant.

il center, la cicogna, il circus, la disciplina, recicler

ma: il polizist e tscherts pleds chi cumainzan cun z scu zebra, zepra, zipla, zip

c as scriva pel solit eir davaunt i + vocal.

speciel, la specialited, il commerciant, ufficiel

c as scriva eir in pleds chi cuntegnan ils elemaints deci e soci.

il deciliter, il decimeter; sociel, la socialista, socieldemocratic

z as scriva in tuot ils oters cas, impustüt:

• in pleds chi glivran cun -az, -ez, -iz, -öz, -uz/üz.

il furbaz, il lumpaz; mez, immez, il pez; il piz, l'indriz; il baderlöz, il clinöz, il cuz, agüz

• in pleds chi glivran cun -zcha, -zza, -zchun, -ziun, -zi, -zia, -zius.

grazcha, la spezcha, la lezcha, la notizcha, la rüzcha; la bellezza, la sveltezza; l'urazchun, la revoluziun; il commerzi; la polizia; prezius

• in pleds chi glivran cun -fizi ed -izi.

l'edifizi, il sacrifizi, l'uffizi; il sbragizi, l'exercizi, il sturnizi