Il strich d'uniun

Il strich d'uniun as drouva ...

• per collier noms.

Anna-Maria, Gian-Reto; La Punt-Chamues-ch

• per scriver la cumbinaziun s-ch 

la s-chela, la bes-cha; S-chanf, Cinuos-chel

• per collier pleds cumposts dal tip adjectiv + adjectiv u nomen + nomen chi fuorman ün'united

suord-müt(ta), politic-linguistic(a), administrativ-giuridic(s), ün video-livestream

• per collier pleds cumposts dal tip adjectiv + adjectiv u nomen + nomen per eviter duos vocals ün zieva l'oter a l'intern dal pled.

semi-ufficiel(a), socio-economic(a), ils Afro-Americauns (ma: il semifinel, sociolinguistic)

• per rimplazzer il pled fin u fin al traunter duos numers u duos datas.

Nus essans in 5-6 persunas. (5 fin 6)

Artur Caflisch 1893-1971 (dal 1893 fin al 1971)

Remarcha:

Il strich d'uniun vain eir druvo, scha la data vain indicheda be cun numers.

Segl, ils 8-10-1998