Il punct dobel

Il punct dobel as metta zieva üna frasa chi introdüa ün discuors direct.

Flurin disch cun vusch resoluta: «Uossa basta!»

Remarcha:

Zieva il punct dobel chi annunzcha il discuors direct as cumainza adüna cun ün custab grand.

Il punct dobel as metta eir davaunt enumeraziuns.

Aint il cuvel haun els chatto s-chazis incredibels: culaunas d'or, braslets, anels prezius ed oter pü.

Remarcha:

Zieva il punct dobel davaunt enumeraziuns as cumainza adüna cun ün custab pitschen.

Il punct dobel as po que eir fer davaunt üna conclusiun.

Eau nu vögl pleds: eau vögl fats.

Il princip es cler: els seccan, fin ch'els haun ragiunt lur böt.

Remarcha:

A's cumainza cun ün custab pitschen, scha’s pudess metter üna lingetta
u üna comma impè d’ün punct dobel.