Definiziun
Il ladin ho 26 segns/custabs (inclus ils custabs imprastos w ed y).
a, b, c, d, e, f, g, h, i, j, k, l, m, n, o, p, q, r, s, t, u, v, w, x, y, z
L'alfabet
Ils vocals
Ils consonants
Il ladin ho 21 consonants.
b, c, d, f, g, h, j, k, l, m, n, p, q, r, s, t, v, w, x, y, z
Remarcha:
Il 'j' (jot/i lung) vain considero scu mez vocal. Pelpü vain el tratto scu consonant.
Ils segns e suns speciels
In ladin do que divers segns e suns speciels. Els vegnan scrits cun püs custabs (duos, trais u perfin quatter).
ch (chesa), dsch (dschember), sch (schner), s-ch (s-chela), tsch (tschierv), gl (glüna), gn (muntagna), gi (gita), ge (genituors), gö (gövgia), gü (gün), ghe (ghetto), ghi (ghirlanda, ghitarra), ci (citrun), ce (producent), che (chemia), qu (quatter)
Remarcha:
Ils suns ch e tsch vegnan suvenz sbarattos. Il ch es pü dür e vain pronunzcho bod scu il c taliaun in cento e cinquanta. Il tsch invezza es pü lam e vain pronunzcho sumgiaint al tsch tudas-ch.
Que as scriva p.ex.: las chotschas, il tschütschapuolvra, la tschücha, la chesa,
il chatschader, tschinchtschient, chi chi tschercha chatta