Pronunzcha da custabs, gruppas da custabs e pleds
Üna buna part dals custabs, da las gruppas da custabs e dals pleds vegnan pronunzchos, scu cha vegnan scrits. Tschertas gruppas da custabs scu ch, sch, s-ch, dsch, tsch, ce, ci, ge, gi, gö, gü, gl e gn sun suns speciels. Per que chi reguarda la pronunzcha dals vocals (vocals avierts e serros, lungs e cuorts) e da gruppas da vocals (diftongs, triftongs) existan tschertas varieteds d'üna vschinauncha a l'otra illa lingua discurrida.
La pronunzcha vain tratteda ed exerciteda illa prüma classa cun agüd da la
fibla 'Ler. E cu!'.
Las desinenzas -un /-una, -in /-ina ed -ieu
| desinenza | pronunzcha | exaimpels scrits | pronunzcha |
| -un /-una | -um /-uma |
bun / buna eau sun sun eau? suni? la lecziun il Grischun |
bum / buma eau sum sum eau? sumi? la leczium il Grischum |
Excepziun: Bun di!, scrit e pronunzcho listess
| desinenza | pronunzcha | exaimpels scrits | pronunzcha |
| in /-ina | -ign /-igna |
la cruschina l'Engiadina il vin il cudaschin |
la cruschigna l'Engiadigna il vign il cudaschign |
| -ieu | -ia |
adieu, gnieu |
adia, gnia |
Ils diftongs ou ed ei
| diftongs | pronunzcha | exaimpels scrits | pronunzcha |
|
ou |
o |
il cour, dadour, eau drouv |
il cor, dador, eau drov |
|
ei |
ä |
eir, l'eivna |
är, l'ävna |