L'imperfet
L'imperfet descriva acziuns u fats i'l passo chi nun haun ne cumanzamaint ne fin per quel u quella chi discuorra u scriva.
Il raig e la regina staivan in ün bel chastè.
L'imperfet es il temp da la descripziun.
A d'eira üna bella saira da sted. Il sulagl splenduriva.
L'imperfet descriva suvenz adüs e repetiziuns.
Zieva gianter faiva el mincha di ün cupid.
Nus giaivans adüna la dumengia culs skis.
L'imperfet vain furmo cul tschep dal verb da la 1. persuna plural e culla desinenza -aiva/-iva.
| -er: güder | -air: giodair | '-er: vender | -ir: sentir |
| eau güdaiva | eau giodaiva | eau vendaiva | eau sentiva |
| tü güdaivast | tü giodaivast | tü vendaivast | tü sentivast |
| el/ella güdaiva | el/ella giodaiva | el/ella vendaiva | el/ella sentiva |
| nus güdaivans | nus giodaivans | nus vendaivans | nus sentivans |
| vus güdaivas | vus giodaivas | vus vendaivas | vus sentivas |
| els/ellas güdaivan | els/ellas giodaivan | els/ellas vendaivan | els/ellas sentivan |