Ils verbs copula
Ils verbs copula collian il subject cun ün adjectiv e/u ün nomen (cumplemaint predicativ). Que as tratta in prüma lingia dal verb esser. L'adjectiv s'accorda cul subject.
Ella es (verb copula) intelligiainta (cumplemaint predicativ).
El es (verb copula) architect (cumplemaint predicativ).
Ma eir oters verbs vegnan druvos scu verbs copula. Ils pü importants sun:
| gnir | Nossa giatta vain viepü megra. / El es gnieu ün brav mat. |
| dvanter | Vus dvantais plaunet cumadaivels. / Que dvantaro ün problem. |
| ster | Tü starost auncha stutta. |
| rester | Els sun restos povers. / El restaro magister. |
| parair | Els peran fich cuntaints. / Quists homens peran gigants. |
| as fer | El as fo suvenz melvis. / Il polizist as fo ün purtret da l'accidaint. |
| river | Ella riva staungla e stracca. |
| entrer | Els aintran rabgiantos. |
| ir | Ellas vaun cuntaintas a chesa. |
| nascher | L'umaun nascha pitschen e debel. |
| partir | Nus partins allegers e cuntaints. |
| viver | Ella viva fich furtüneda. |