Il perfet

Il perfet descriva acziuns u fats chi sun glivros u accumplieus i'l passo.

El ho ruot üna chamma avaunt ün mais.

Ella es currida a la staziun.

Il perfet vain furmo culs verbs auxiliers avair u esser e cul particip passo dal verb cumplain.

La granda part dals verbs fuorman il perfet cun avair.

Ün pêr verbs fuorman il perfet cun esser. Ils pü importants sun:

crescher, cuorrer, esser, fügir, nascher, partir, dvanter, ir, gnir, murir, rester, river, ster.

Ellas sun stedas in vacanzas.

El es propi creschieu quist ultim an.