Il passo definieu ed il passo anteriur

Il passo definieu descriva – scu il perfet – acziuns u fats chi sun accumplieus i'l passo.

El musset cun plaschair sieu nouv cudesch.

Nus partittans dalum zieva gianter.

Els gettan plaunet vers chesa.

Il passo anteriur descriva – scu il pücuperfet – acziuns u fats accumplieus in ün raquint dal passo.

El avet musso cun plaschair sieu nouv cudesch. 

Nus füttans partieus dalum zieva gianter.

Ellas füttan idas plaunet vers chesa.

Il passo definieu ed il passo anteriur vegnan druvos be pü illa lingua scritta litterara pü veglia. Els cumperan perque in istorgias e raquints da pü bod.